كل واحدة نفسها تكون أنثى وجذابة ورمانسية وزوجة بجد تدخل

[نور الاسلام2010]

"$& ده اول مشاركة ليا هنا بس بجد انا تعبت من التدوير فى النت وتجميع كم كبير من المعلومات الحلوة والمفيدة اللى انا استفدت منها بجد فى حياتى وحبيت انى اشاركم تجربتى فى موضوعى يوميا حنتكلم عن كل حاجة يعنى عشان نكون زوجات بجد لازم نتخلص من عيوبنا وتكون بشرتنا ووشنا وحسمنا وشعرنا على احسن حال ونتعلم ازاى نكزن رومانسيين ازاى نهتم حتى بطريقتنا فى الكلام ونظراتنا يعنى صدقونى الموضوع ده حيكون شامل لكل الاهتمامات وكل يوم حنتناقش فى موضوع معين وانزل الحلول النهاردة مستنية رأيكم ومن بكرة حبدأ يلا عايزة تشجيعكم ورأيكم
وكمان انتوا ممكن تشاركونى بحاجات مفيدة عملتوها باى (*&) ونتقابل بكرة ماشى
عايزة اعرف انا مرغوب بوجودى بينكم ولا اية

[هدير مجدى]

اهلا بيكى يا نور معانا نورنا وموضوع رائع ومميز

[noureen]

اهلا بيكى نور الاسلام و منورة المنتدى و سعيدة بوجودك معانا فى المنتدى
و مستنية موضوعك
(*&) (*&)
:>>:: :>>::
"*$()

[وجدان]

اهلا بكي معنا منورة
مستنين الموضوع "><()*

[رغدة]

ياهلا بيكى يانور ... منوره المنتدى

بدايه جميله ... ومستنيينك :>>::

[نور الاسلام2010]

اهلا بكل اللى رحب بيه وشكرا ليكوا اوى
حنتكلم النهاردة عن اول مشكلة بتقابل كل واحدة فينا اختلاف لون الجسم ووجود مناطق غامقة بيها حقولكم شويه نصائح وحاجات تانية بس الاستمرار

[نور الاسلام2010]

معلش أتأخرت فى الرد النت كان فاصل حنزله حالا

[نور الاسلام2010]

النهردة بق[r]ي جيبالك شوية حاجات كدا عشان نحل مشاكل الجسم اللي كلنا بنعاني منها :وهابدا علي بركة الله
مشكلة الشعر اللي بينمو تحت الجلد:(
-طبعا كلنا بنعاني منها وبتبوظ المنظر بالاخص الرجلين والمشكلة دي بقي بتكون يااما انتي بتستخدمي وسيلة غير السويت لازالة الشعر وكمان بتهملي جسمك ومش بتشيلي الجلد الميت فالشعرة بتلف تحت الجلد ويتكون فوقفها طبقة من الجلد الميت
-طبعا في ناس بتستخدم ااسويت وبتعاني بردو من المشكلة دي وغالبا بتبقي مشعرة اكتر او هي دي طبيعة جسمها
طيب يعني بردو نحلها ازاي,اقولك ياستي:
لو بتستخدمي وسيلة غير السويت نصيحة مني بالاخص رجليكي اعمليها بالسويت انا كنت كدا ومكنتش بعرف اعمل سويت وكنت بستخدم براون لفترة وبعدين بدات الاحظ اني رجلي الشعر جدر فيها وبيطلع تحت الجلد وبقت دايما خشنة وشكلها وحش لحد مالحقت نفسي ورجعت تاني للسويت بس طبعا اخدت وقت علي ماتصلحت تاني
-قبل السويت بقي كدا زي الشطورة افتحي المية السخنة وحطي رجليكي تحتها وهاتي شاور جيل ورغي علي رجليكي وهاتي الحجر الخفاف بتاع الرجل ومشيه علي رجليكي في شكل دواير بس طبعا بشويش وفوق رغوة الشاور بحيث انه يشيل الجلد الميت ويطلع الشعرة من تحت الجلد
-بعد ماخلصتي اشطفي رجليكي كويس اوي ونشفي بردو كويس وهاتي طبق صغير فيه عسل ابيض علي عصرة ليمونة ولزقي رجليكي بس تلزيق
-هاتي السويت وظبطيها وابتدي اعملي رجليكي مع اتجاه الشعر وعكس اتجاه الشعر ده بيشيل الشعر اللي تحت الجلد
-الشعر الصغير ده اقطعي حتة صغنونة من السويت وافرديها طبقة رقيقة وبصباعك شيلي الشعر الضغير هاتلاقيه بيطلع معاكي بس هاياخد وقت شوية بس هايطلع باذن الله
-خلصتي السويت علي خير يكون جنبك ازازة الجلسرين(قبل ماتشطفي جسمك)ادهني رجليكي وهاتي المقشر الجميل بتاعك وقشري رجليكي كويس اوي واقعدي افركي لحد ماجلدك يتشرب ويبتدي يطلع كل الجلد وكمان اي شعر مكنش باين ومينفعش يتشال بالسويت هايطلع
انا بستخدم المقشر ده روعة

خلصتي خلاص قومي بقي اشطفي رجليكي كويس وادهني كريم جليسوليد مضاف ليه زيت جنين القمح واللوز الحلو وشوفي رجليكي وجمالها ونعومتها
عشان تزودي الجمال واللمعة وتبقي رجليكي زي الممثلين ،تاني يوم للسويت هاتي بودرة تشقير وحطيها علي رجليكي(جربيها الاول علي حتة صغيرة عشان لو عندك حساسية ولا حاجة)وبعدين اشطفي رجليكي لمعة ايه وبريق ايه وحتي الشعر الصغير هايتشقر وهايبقي مش باين خالص وبجد رجليكي هاتبقي زي الممثلين كدا
-وطبعا كل اسبوع لازم تعملي تقشير لرجليكي عشان تشيلي الجلد الميت وتحافظي علي جمال رجليكي
طريقة عمل باديكير روعة لقدم رجليكي عشان الشياكة تكمل:
بعد بقي ماهتعملي رجليكي بالطريقة اللي قلنا عليها هاتلاقي نفسك كدا فرحانة بنفسك وعايزة تدلعي كدا بس استني الشياكة متكملش من غير كعب رجليكي مايكون زي الحرير وكمان ضوافر رجليكي منسقة،
-هاتي طبق بلاستيك كبير وحطي فيه مية سخنة وملح وشوية شاور جل وعليهم معلقة كبيرة بيكنج بودر(بيبيض وينعم موت)وتحضري معاهم ليمونة وليفة خشنة وبقية الادوات زي الصورة

طبعا الادوات سهلة عبارة عن فرشة اسنان قديمة ومبرد في اخره باديكير زي مانتو شايفين وحجر خفاف
-انقعي رجليكي في المية وبعد حوالي ربع ساعة ابتدي ادعكي كعب رجليكي كويس اوي اوي بالحجر وبطن رجليكي ،وبطن صوابعك ووش رجليكي كمان بيبقي عليه جلد ميت بس ادعكيه بشويش عشان متتعوريش
-بالليفة الخشنة ادعكي بردو رجليكي وضوافرك وبين ضوافرك كويس اوي
-بفرشة السنان بقي عليكي وعلي ضوافر رجليكي اغسليهم وادعكيهم بيها كويس
-نشفي رجليكي وهاتي الليمونة وادعكي بيها بطن رجليكي ووش رجليكي وضوافرك وسيبيها لما تنشف وبعدين اشطفي رجليكي وهاتي المبرد وابردي ضوافرك وشيلي الجلد الميت بشويش من حواليها ونسقيها كدا وخليها شيك وبعدين ادهني كارباميد او فازلين اللي عندك
-اخر خطوة بقي قومي اوام صلي العشا وتعالي بقي هاتي المانيكير الابيض والشفاف وحطي بقي مانيكير فرنش كدا وادلعي

وقومي هاتي خلخال رقيق كدا والبسيه والبسي بنطلون برمودا ولا جيبة قصيرة واتدلعي بجمال رجليكي وفرحي جوزك بدل ماطول النهار لابسين تل هدوم واجوازتنا خلاص هاتطق ههههههههههههههههه

ومتقوليش بقي دلوعة حرمتك من حاجة ابدا(بس متنسيش بعد كدا وقبل الفجر تدعييلي دعوة حلوة وتشيلي المانيكير ياحلوة وتصلي الفجر عشان ربنا يتقبل مننا تعبنا لازواجنا ويبقي في ميزان حسناتنا)

[نور الاسلام2010]

[/عشان تشدي جسمك وبطنك وتشيلي السليوليت :
بصوا بقي انا مليش دعوة خالص بالناس اللي هاتقول اجيب وقت منين وتتحجج ميت حجة ،انا ليا بالناس اللي عايزة تغير جسمها وشكلها للاحسن وتبقي عندها ارادة والتزام لازم ناخد بالنا من نفسنا مش شايفين البنات اللي في التليفزين عاملين في نفسهم ايه ،ولا بلاش البنات اللي في الشوارع لابسين ازاي وجسمهم عامل ازاي وهما ماشاء الله مقصروش عرضينه كله للفرجة ولاحول ولاقوة الا بالله
المهم طبعا عشان البطن تتشد مفيش مفر انك لازم تخسي وكمان تلعبي رياضة،اي حد هايقولك حاجة تانية يبقي بيضحك عليكي
-يلا دلوقتي اللي عايزة تبدا تروح كدا زي الشطورة علي قسم الايروبكس والتمارين الرياضية تختار كام تمرين تستمر عليهم وتلتزم بيهم وبعدين تجيلي تاني بقي:
كريم تدهنيه وانتي بتعملي رياضة عشان يشد جسمك:
-هاتي علبة كريم جليسوليد كبيرة وحطي عليها معلقة كبية مليانة شبة وفنجان قهوة خل تفاح وفنجان قهوة منقوع المرة وقلبيهم وسيبيهم يوم مع بعض
-قبل كل تمرين ادهني جسمك بالكريم وهاتي كيس بلاستيك ولفيه حوالين المنطقة اللي عايزة تخسيسيها وابتدي علي بركة الله العبي التمارين او روحي الجيم وتعالي بقي خدي شاور وادهني جسمك كريم عليه زيت جنين القمح وزيت اللوز الحلو ومع الوقت هاتلاقي جلدك بيشد جامد وبتخسي وقوامك ممشوق وجميبل

كريم المضاد للسيليوليت:
ده بقي والله العظيم تحفة بجد مش بس للسيليوليت كمان بيفتح المنطقة جدا جدا وبيخليها ناعمة وجميلة وطبعا بيقلل السليوليت اللي بيبوظ شكل الجسم ويخربه وطبعا ده داومي عليه كل يوم لو انتي بتعملي دايت وبتخسي وعندك كمية كبيرة من السليةليت وهاتلاقي نتايج مبهرة باذن الله
-علبة كريم جليسوليد وعليها معلقتين بن كبار وعصير ليمونة صفرا كبيرة،وبس

ده شكله زي مانتو شايفين ادهنيه علي المكان اللي انتي عايزاه(بطنك اردافك المؤخرة رجليكي)واقعدي ادعكي فيه باديكي لحد ماتحسي انه اتشرب وبعدين افركي افركي لحد ماتشيليه كله او هاتي الليفة المغربية وادعكيه بس مش جامد اوي(بس لازم تسيبيه يتشرب الاول في كل الاحوال)واشطفي رجليكي ورطبيها وادعيلي بقي

حمام الحرير للناعمين الحلويين:
الحمام ده سبحان الله هاتشوفي نعومة مش هاتصدقي نفسك واتحدي ،لازم اي واحدة تعمله تيجي تقولنا النعومة ايه رايها فيها ماشي،هو طويل شوية بس انتي ممكن تعمليه لو عندك مناسبة يعني
(جوزك جاي من السفر ،عيد جوازكم ،عيد ميلادك او ميلاده)كدا يعني ولو انتي بتحبي تهتمي بنفسك ونعومتك اوي اعمليه كل اسبوعين او 10 ايام زيي
-الاول هاتي كمية سدر مطحون تكفي جسمك وحطي عليه لبن او لبن بودرة وحطي عليه مية سخنة ،ودي صورة السدر المطحون

وحطيه بقي علي جسمك حتة حتة وانا بصراحة ساعات لو مستعجلة بعمل ايدي ورجلي بس علي اساس انهم اكتر حاجة بتبان بس بردو لو تعملي جسمك كله وبطنك والمؤخرة هايبقي احلي واحلي واقعد افرك فيه هاتلاقي بقي بدا يتفرك خالص من علي جسمك وطلع وبر كدا ولونه اسود خالص طبعا انتي اكيد عرفتي لونه اسود ليه
لانه طلع الجلد الميت والدهون المتراكمة علي الجلد
بعد كدا هاتي بقي طبق حطي فيه خل تفاح (ممكن خل عادي بس خل التفاح اروع عن تجربة)



وهاتي بقي الليفة المغربية او الليفة اللي علي شكل قفاز روعة بردو ويمكن احلي من الليفة المغربية


وادخلي الحمام وافتحي البخار كدا كويس وقفلي الحمام عشان البخار يتحبس في الحمام وهاتي الليفة بليها بالخل وادعكي بقي،واديها دعك لما تقولي يابس في كل حتة هاتلاقي جسمك بيظفلط من النضافة وبيلمع اوي
-اخر حاجة بقي طبق فيه معلقتين من المقشر بتاعك وعليهم ملح حليب وشوية زيت زيتون وماء ورد ووزعيهم علي جسمك وافركي باديكي بالراحة لمدة 3 دقايق وبعدين اشطفي جسمك كويس
وانا بقي مش هاتكلم علي اللي هاتلاقيه

ازاي تعطري جسمك بعد الحمام والريحة تفضل ماسكة فيكي:
-روحي عند الراجل بتاع تركيب العطور وهاتي منه الزيت العطري بتاع البرفان اللي انتي بتستخدميه وبتحبيه وجوزك بيحبه
-هاتي ازازة زيت جونسون للاطفال فضي منها ربعها وحطي بداله الزيت بتاع البرفان ورجيه كويس بعد الحمام الجامد ده وانتي لسة جوة والبخار موجود وجسمك مبلول نص نص ادهني جسمك بالزيت عليه البرفان
-هاتي بودرة جسم معطرة ورشي علي جسمك بعد الزيت هاتلاقي البودرة دابت كدا وجسمك امتصها وكمان شالت الزيت الزيادة والرطوبة
-اخرجي من الحمام والبسي الهدوم اللي علي كيفك بقي ورشي علي الهدوم بس مش جسمك البرفان بتاعك
وشوفي ريحتك بقي تبقي عاملة ازاي
color]

[نور الاسلام2010]

كتيرازالة الشعر من المنطقة الحساسة:
طبعا السويت هي احسن وافضل طريقة تشيلي بيها الشعر من المنطقة دي بلا منازع ومفيش كلام غير كدا بتخلي المنطقة نضيفة وناعمة وترتاحي فترة طويلة عقبال ما الشعر يطلع تاني ،طيب كل ده كويس ايه الجديد بقي ،طريقتي بقي اللي هاقولهالكم لازالة الشعر وهي بسيطة بس حلوة ومفيدة وهاتريحك باذن الله

-اول حاجة تعملي تقشير للمنطقة بزيت زيتون وشوية سكر عشان تشيلي الجلد الميت وكمان تتطلعي الشعر اللي بيبقي تحت الجلد
-هاتي معلقة عسل وحطي عليها عصرة ليمونة وحطيها علي المكان بس يدوبك تلزقيه كدا عشان السويت تلزق كويس علي الجلد وتشيل الشعر الصغير
-هاتي السويت وسيحيها كويس وخليها حتة صغيرة عشان متوجعكيش وانتي بتشيلي بيها ،وشيلي الشعر كله كله واعملي السويت مع اتجاه الشعر وعكس اتجاه الشعر الاتنين وده هايشيل الشعر الصغير واللي تحت الجلد
-بعد ماتخلصي السويت كلها هاتي مية ورد وامسحخي المكان كله وبعدين ادهني مرهم فيوسيدين وده لمدة يومين بعد السويت عشان لو فيه مسام مفتوحة او اي بكتيرية المرهم يقضي عليها
وبكدا نكون خلصنا اول خطوة وهي ازالة الشعر من المنطقة ،وياريت لو كان الشعر طويل يبقي قصيه الاول بالمقص او بماكينة براون الشفرة مش الملاقيط لحد مايبقي طول مناسب للسويت بس مش طويل اوي عشان الوجع مايبقاش زيادة،ونصيحة تانية ياريت تعملي دايما السويت اخر يوم خالص من البريود قبل نما تطهري منها عشان المسام بتكون مفتحة وبتسهل ازالة الشعر جدا ،وطبعا اوعي تعملي السويت قبل ما الدورة تيجي علي طول عشان كدا غلط لان مع الدورة بتقل جدا مناعة المنطقة والسويت بتفتح المسام وممكن بكتيريا او حاجة تدخل وتعمل لاقدر الله خراج او شئ ،خليكي في السليم واستعمليها اخر يوم في البريود


تفتيح المنطقة الحساسة:

طبعا انا مش هاقول اي نوع من الكريمات والحاجات دي انا اساسا ضد استخدام كريمات التفتيح وطبعا بالاخص في المنطقة دي ،وان كان ولابد يبقي لازم تحت اشراف الطبيب عشان في احتياطات لازم تتعمل ،المهم احنا اللي معندناش صبر وعايزين كل حاجة بسرعة ،بس احنا لازم نتعلم ان الاهتمام يكون جزء لا يتجزا من حياتنا
انا هاقولكم تجربتي مع الوصفات دي لتفتيح المنطقة الحساسة من قبل جوازي لغاية دلوقتي

وصفة البيتادين السحرية:
معظم مشاكل المنطقة دي بتكون نتيجة عدم الاهتمام يعني مبتنشفيش كويس بعد الحمام او مش بتلبسي بانتي قطن ،فبالتالي الفطريات والبكتيريا بتنمو في المكان وهي بتكون السبب الرئيسي في الاسمرار عشان كدا وصفة البيتادين هايلة جدا لعلاج السمار تماما في المكان ده

-هاتجيبي مرهم بيتادين (مش البيتادين السائل،وده متةفر في الصيدليات ومش غالي)ووحطي عليه معلقتين زيت زيتون+معلقة كبيرة عسل (حطي الزيت الاول وبنفس المعلقة حطي العسل هاتلاقي العسل اتزحلق وملزقش علي المعلقة ،هههههههه،معلومة كدا ع الماشي)وحطي عليهم مية ورد لحد ماقوامه كدا يكون زي اللوشن
-كل يوم بليل هاتغسلي المنطقة (طبعا ممنوع الصابون في المنطقة دي خالص بيجفف وكمان بيسود ويعمل التهابات)يفضل طبعا بغسول للمنطقة وانا بحب سيتيال
-بعد كدا نشفي المكان بفوطة قطن ناعمة تكون مخصوصة للنمطقة ويكون تنشيف برفق مش جامد،ويكون من ادام لورا ،وبعدين ادهني الخلطة والبسي شورت لاميه ونامي (للمتزوجات طبعا ممكن تعمليها في وقت يكون جوزك مش موجود بس اهم حاجة تسيبيها اكتر وقت ممكن)
-لما تصحي الصبح بقي اشطفي المكان كويس ونشفيه وادهني بقي جلسرين علي ليمون (روعة في التفتيح)

الوصفة دي هاتستعمليها لمدة شهر هاتكون المنطقة افتحت جدا جدا باذن الله هاتوقفيها بقي وتستخدمي خلطة بسيطة عبارة عن (زيت زيتون ومية ورد وليمون)تحطيها في الحمام وبعد كل حمام ادهني منها المكان بس ياريت متكتريش الليمون فيها الزيت ومية الورد يكونوا اكتر

العناية المستمرة للمنطقة :
بصي بقي هاقوليلي الوقت ومش عارف ايه انا مليش دعوة احنا لازم نلاقي وقت لنفسنا واهتمامك بكل حتة فيكي ده عنوان انوثتك وجمالك وعشان كمان احنا بنهمل في نفسنا ونرجع نشتكي ونقول مشاكل بالكوم صدقوني الاهتمام المستمر هو الحل ،وزي ماهتدي لجسمك هو كمان هايديكي

-كل اسبوع تجيبي طبق بلاستيك كبير وتحطي فيه مية سخنة علي قدر احتمالك طبعا وتحطي فيها ملح (تعقيم وتطهير للمنطقة)وتقعدي فيها حوالي ربع ساعة وتحاولي تجيبي المية السخنة علي كل المنطقة وبعدين هاتقومي تنشفي المنطقة بالراحة وتجيبي اي مقشر بترتاحيله وياريت يكون طبيعي واعملي تقشير بضمير للمكان بس طبعا مش جامد بشويش بس بضمير ،وبعدين اشطغي المكان بمية سخنة بردو وبعدين تكوني مجهزة ماسك عبارة عن _مية ورد+نشا+لبن بودرة +معلقة عسل+حبة كركم(العادي بتاع الاكل )بس يدوبك كدا ربع معلقة صغيرة مش مليانة وحطي الماسك ده علي المنطقة وبعدين حطي كيس نايلون عليها والبسي هدومك عادي وسيبي الماسك ساعة او لحد ماينشف ماانتي لابسة هدومك وبعدين اشطفيه بمية مش سخنة وادهني زيت زيتون علي جنين القمح علي زيت لوز حلو تحفة الخلطة دي للترطيب والتفتيح طبعا

غسول لتعقيم وتفتيح وشد المنطقة وكمان ازالة الحبوب واثارها وايه من صنع اديكي:

هاتجيبي قطعة مرة كبيرة وحطي عليها كوباية مية مغلية وحطيها في برطمان وسيبيها تنقع لتاني يوم بعد كدا بقي هاتي نص فنجان قهوة من ديتول الاخضر للعناية الشخصية مش الديتول العادي البني ده لا السائل نفسه لونه اخضر ومخصوص للعناية الشخصية مش عارفة بقي هو موجود في مصر ولا لا بس متهيالي شوفوه في الماركتات الكبيرة هاتلاقوه ،المهم حطي الديتول علي المرة وسيبيه في الحمام و3 مرات في الاسبوع هاتي قطنة وحطي عليها الغسول وامسحي المنطقة من جوة ومن برة بس مش من جوة اوي لا بين الشفرتين يعني وطبعا الغسول ده للمتزوجات والبنات عادي،ولو ملقتيش الديتول يبقي كفاية منقوع المرة لوحده جميل

تعطير المنطقة الحساسة:

طبعا اوعي ثم اوعي تستخدمي اي معطرات فيها كحول للمكان ده لان الكحول علي البشرة عموما بيسود وكمان بيعمل التهابات في المنطقة دي بالاخص ،طيب هاتستعملي ايه في طريقتين والاتنين حلوين:

طريقة المسك:
طبعا اكيد كلنا عارفينها بس مشكلتها نوع المسك اوعي تستخدمي المسك الصناعي طبعا غلط جدا جدا اذا عايزة يبقي بس المسك الاصلي ومدام متاكدة منه يبقي استخدميه علي بركة الله
-تجيبي المسك وتتطحنيه بس طبعا مش ناعم اوي يعني يكون حتت كبيرة نوعا ما مش بودرة يعني وتجيبي مية ورد ومية معدنية وتجيبي ازازة وتحطي فيها المسك ومية الورد ومية معدنية ورجيه وكل اسبوع او مرتين في الاسبوع هاتي قطنة وحطي عليها من المية اللي في الخلطة وامسحي بيها المكان وللمتزوجات دخلي القطنة جوة عادي هاتلاقي صراحة نضافة وتعقيم وريحة روعة وبتدوم كمان

-الطريقة التانية بقي متوفرة اكتر بس طبعا طبعا دي هاتمسحي بيها بس المنطقة من برة ممنوع تدخليها جوة ابدا ،دي بقي هاتي من عند تاعطار زيت الورد او زيت الفل او الياسمين الريحة اللي تحبيهايوضع علي كريم او يخلط بزيت زيتون ثم يوضع لتعطير المنطقة
وادهني المكان من برة بيها ريحة روعة روعة روعة وكمان زيت الورد عن تجربة بيدي نعومة مش طبيعية ولو كمان بقي حطيتي عليه زيت الليمون من عند العطار بردو هايبقي تفتيح بقي ولا احلي وجربوا وادعولي

العناية اليومية بقي :

ودي بقي حاجة بسيطة بس مهمة وهي:
-لازم تغيري البانتي علي الاقل مرتين في ليوم عشان تفضلي دايما نضيفة وريحتك حلوة
-لازم تنشفي بعد دخول الحمام زي ماقلنا ويفضل انك تتشطفي بمية دافية علي طول
-لازم قبل النوم تغسلي المنطقة كويس باي طريقة بقي وتنشفيها ،وترطبي بردو باي وصفة ترطيب من اللي قلناهم قبل كدا
-وقت البريود لازم تغيري اقل شئ 3 او 4 مرات وتتشطفي بمية دافية كتير وتاخدي شاور كل يوم عشان دايما تبقي نضيفة وريحتك حلوة وميجلكيش التهابات ،وكل ماتيجي تغيري
الحفاضات حطي نش

[نور الاسلام2010]

جدا وياريت متكسليش لان انفاسك تدل على شخصيتك وتقرب الناس منك او تبعدهم عنك خدى بالك كويس

ثانى اهم حاجه تعطير الابط


اولا نبعد عن مستحضرات ازاله رائحه العرق وخصوصا الرخيص منها

تعرفوا ليه فيه مستحضرات غاليه ومستحضرات رخيصه لازم يكون فى فرق صح مش معقول فرق السعر

ده كده الفرق هو اهتمام الشركه المنتجه بازاله رائحه العرق وفى نفس الوقت ترطيب البشره وخروج

العرق بشكل طبيعى ولا تسبب اسوداد الابط لانها ليس داخلها كحول ولا مواد كيماويه

ياريت بقى يابنات

منستخسرش ويكون اساسى نجيب منتج نظيف علشان منرجعش نقول احنا فى سواد تحت الابط

واللى عنده بنات مراهقين من دلوقتى تعودهم على كده ويشيلوا مصروفهم ويشتروا المنتجات دى

طريقه عمل كريم للعرق فى البيت

هانعمل كريم كده مكوناته طبيعيه ومش داخله برفان ولا اى حاجه تخلى الرائحه نفاذه يعنى الاخوات الملتزمات ومش عايزين ريحه تظهر يبقى ده مميز جدا جدا

اعلبة كريم جلسرين او دوف او اى كريم بشره خفيف + + قليل من ماء الورد+ ملعقة كبيرة نشاء+ ملعقة كبيرة مسك أبيض( بصوا المسك الابيض رائع جدا جدا مع العرق )

الطريــــــــقه
تخلط المكونات وتحصلي على كريم تضعيه على الإبطين بعدالإستحمام,, يعطيك بياض ورائحة جامده جدا
بس لوحدها كدا هاتمتص الالتهابات ومش هاتخلي الحفاضات تلهبلك المكان
ثالثاً : تعطير الشعر

تعطر اطراف الشعر وليس الجذور

اختياراتك لتعطير شعرك هى

المسك الابيض المخصص للشعر

يوجد بخاخ بروائح الفاكهه متوفر فى محلات التجميل عندنا فى مصر

البخور الشرقى زى العود والمسك و العنبر بيخلوا ريحه الشعر تحفه وده بيستعمل بعد ماتطلعى من الحمام تبخرى نفسك من تحت لفوق


نيجى بقى لفكره تعطير الشعر بمكونات من عندك ودى اللى انا بعملها بنفسى وفعلا رائعه
نجيب السيرم بتاع الشعر ونحط منه فى راحه ايدينا ونجيب اى عطر احنا بنحبه بس يكون زيت مش عطر مخفف ونحطه على السيرم يعنى نقطتين من هنا ونقطتين من هنا حسب طول شعرك ووزعيه على شعرك وبكده شعرك ريحته تحفه لمده ايااااااااااااام


رابعا تعطير الجسم

استحمي بشاور جل من نفس نوع العطر اللى بتستعمليه

بعدالإستحمام ضعي كريم مرطب خفيف من نفس الرائحه

وارشحلك مرطب ولوشن انشانتر رااااائع جدا وانا بستعمله شخصيا
بعدها ضعي بودرةجسم او
ضعي على الجسم من بخاخ الورد
ممكن تعمليه فى البيت تجيبى زيت الورد وتحطى عليه ماء وتحطيه فى بخاخ واصبح عند برفان مميز لجسمك ضعي كريم معطر على يديكورجليكعطري ملابسك بنفس الرائحةوياسلام لو تبخرى نفسك بالعود او العنبر على فكره موجودين هنا فى مصر كتيير مش فى الخليج بس

المسك الابيض لتعطير الاماكن الحساسه والملابس الداخليه

المعروف عن المسك الابيض يكون على شكل حجر ناخذه و يطحن ويضاف له ماءعادي او ماء ورد و يمسح بقطعة قطن على المنطقه بعد الاغتسال من الدوره و هذا منالسنّه ..


ده شكله




نجيب بقى مكعب الجسم وتمشيه على البرا بتاعتك والاندر يانهار ابيض على الريحه الروعه ومش بتروح خالص انا بعمل كده



بجد خليكى عالطول منتعشه وخليكى عارفه ان اى تغيير هاتعمليه فى جسمك او شكلك

هايفرق كتيير معاكى ولما تعملى الحاجه دى اعمليها علشانك انتى الاول وعلشان ثقتك بنفسك تبدأ من عندك وليس من عند الاخرين

نصائح عندما تضعى العطور

كل حاجه زى ماليها مميزاتها ليها عيوبها

مثلا مش معنى ان المسك الابيض طبيعى اننا نحطه على الجلد مباشره اذا كان عطر لكن نحطه فى حال اذا كان حجر او مكعب

مترشيش برفان على رقبتك او على اى منطقه من جسمك انتى ترفعى ايديكى فوق مستوى جسمك وترشى على نفسك من فوق ومن بعيد تعرفى ان كده ريحتك تفضل اكتر بالطريقه دى وكمان ريحه البرفان متتغيرش ابدا

لو فى عطر انتى بتحبيه اوى تعرفى انك ممكن تحطى منه على الشامبو بتاعك وخصوصا لو كان من الشامبو خالى الرائحه

وكمان ممكن تحطى عطرك المفضل على الكريم الخالى من الرائحه المخصص لبشره الجسم

عايزاكى تتفننى وتخترعى وتشوفى ايه المناسب ليكى وتعمليه من غير ماتكلفى نفسك كتيير

حطى قطعه من المسك او العنبر فى دولابك وملابسك الداخليه هاتمسك فيها جدا وبكده عطرتى دولابك وكمان ملابسك
لا تضعي العطوربعد تناول الأطعمة الحارة مثل البصل والثوم والسمك والكاري . كل هذه الأطعمه تصل إلى البشره وتؤثر على رائحة العطر

ان العطر يحيطك برائحة تنعشك . فالعطريمدك بالبرودة ايام الصيف كذلك عندما تدلكين جسمك بعد الحمام بقطعة من القطن مغموسةبماء الكلونيا فهذا يعدل حرارة جسمك ويقيكِ من ضرر الانتقال من جو الحمام إلى الجوالخارجي البارد


لا تضعي العطوروانت في حاله نفسيه سيئه أو تعانين من ضغوط معينه وتوتر عصبي .في هذه الحالة تؤثرالعطور بشكل مباشر على الأعصاب ذات الصلة بحاسة الشم .

[عاشقة للابد]

تسلم ايدك موضوع اكثر من رائع ومنورة حجاب ومستنين جديدك

[TOTA1977]

(*&) (*&) (*&)

[همس السما]

شكرا ليكى على المجهود والموضوع الرائع (*&) (*&)

[رغدة]

تسلم ايدك ع الموضوع ياقمر(*&) (*&)